Bald kommt der Samichlaus wieder vorbei. Es ist also an der Zeit Samichlaus Sprüche auswendig zu lernen. Die besten Sprüche finden Sie hier auf www.linkorama.ch.
—— Samichlaus Sprüche ————-
Samichlaus wo chunsch Du her:
Samichlaus wo chunsch Du her?
Siebehundert Stund wyt her
Samichlaus, isch Dis Säckli schwer?
Siebehundert Pfund isch s schwer
Samichlaus machs weidli leer,
Dänn isch dis Säckli nüme schwer.
———————————————
Eseli, Eseli hopsassa:
Eseli, Eseli hopsassa
Zieh am Chlaus de Schlitte nah
Chumm im Trapp durs Dörfli ii
Mit em liebe Chlaus debii
———————————————
Bim Chlaus im Wald:
Im Wald dur de Schnee
Lauft lyslig es Reh
Lauft fröhli gradus
Bis zu-me-ne Hus
Bim Hüsli stahts still
Es weiss was es will
Es gaht gar nöd lang
So chunnt dur de Gang
En schneewysse Ma
Und lueged au da:
Er bringt em en Schnaus
Dä Ma isch de Samichlaus
———————————————
Für die Chlinschte:
Samichlaus, I bi so froh,
dass Du hütt zu mir bisch cho
Du weisch, ich tuen gern Nüssli ässe
Hesch mis Säckli nöd vergässe?
———————————————
S Luusmeitschi:
Lueg, Samichlaus, ich bi no chli,
und scho mängisch es Luusmeitschi gsi.
Aber weisch, ich cha au ganz e liebi si,
drum, Samichlaus, gäu, chunnsch wieder einisch verbi.
———————————————
Sami Niggi, Näggi:
Sami Niggi, Näggi
Hinder em Ofe steck ii
Wänn d’mer öppis gisch
So chumm ich an Tisch
Gisch mer aber nüt
So chumm ich au nöd hüt.
———————————————
Ich binn no en chline Maa:
Ich be no en chline Maa
Das g’sesch du mir natürlech aa
Ich chann net schwäri Sache träge
Wie gern ich aber Schoggi haa
Und wie ich Nüss ufbisse cha
Das mues der sälber säge
———————————————
Samichlaus du bisch en Guete,
gäll ich bruche gwüss kei Ruete.
Läär lieber hüt i eusem Huus
de allergröschti Chlaussack uus.
———————————————
Samichlaus wo chunsch du här?
Werum isch au din Sack so schwär?
Bisch de ganzi Wald dur gloffe?
Häsch vilicht s’Chrischtchindli troffe?
S’hät sicher gseit es chömi au scho gli.
Gäll Chlaus, ich bin e(n) Liebi(e) gsi.
———————————————
Es Liechtli brännt im Tannewald,
was sött au das bedüüte?
Chund ächt de Samichlaus scho bald?
ich ghör es Glöggli lüüte.
Es isch de Chlaus mit scherem Schritt,
chömed, lueged gschwind!
Er treit en Sack vol Nüssli mit,
für alli liebe Chind.
Ähnliche Beiträge:
- Weihnachtskarten Sprüche – mit linkorama.ch
- Sprüche zu Weihnachten und Neujahr – aus dem Gedichte-Garten.de
- Valentinstag Gedichte und Sprüche (die schönsten Sprüche)
- E-Cards zum Thema Ostern: Lustige Oster-Sprüche und Oster-Grusskarten versenden – mit ostermaus.de
- Sprüche für Halloween – mit hallo-eltern.de
Follow Us!
Partnerseiten
